على رمش عيون الحبايب ندوب كمان و من ثاني، مرة في ذيل المرة، و لا باين لنا توبة و لا سلوى…
آه يا الله الرأفة…
نشف دمع العين و غلبت النفس و فاض بالروح…
و لوين يتشد الرحال و القلب ينبض بالأحبة و للأحبة و كرمال عيون الأحبة!
الصبر طوق نجاة… ولا حبل محكوم حولين الرقبة؟!
نموت منهم و لأجلهم ولا نمضي من غيرهم و نغرق في دمنا من شوقنا و احتياجنا!
و بعدين معاك يا غرام مش هتجبها لبر يا برنس، ده لا طريقة و لا ده اسلوب!
يا تتلم يا ترحم!
مش باين صح…
طيب بكيفك لكن مرادك إيه يعني؟!
نقعد في بيوتنا و نعتزل؟!
ده بعدك يا حيلتهم…
قاعدين على قلبك…
هنحب و منتحبش و نتحب و منحبش و كل واحد بياخد وقته و على مهله على فكرة!
آه العمر قصير و تضييعه بتر… لكن إلا في الغرام!
خد وقتك و اتركني آخد وقتي لا تلوم ولا ألوم خالصين؟
لاتلومني لما أحبك و أنت مش بدك تلعب و لا ألومك لما يدق قلبك و يكشرله قلبي!
خالصين ولا مش خالصين يا عم غرام؟!
و ليك عندي و عليا أتبت في الى بحبه و أحلف الى يحبني لا يتبت فيا!
يا ييجي قلب ألماظ يزغلل عين قلبي أو قلب لولي يأسر قلبه…
يا ييجي أو آجي و نتلفن المأذون و نفوضوها سيرة و ليلة؟!
خالصين؟!
قلنا خالصين؟!
الغرام، “خالصين.”
Liked It? Let the World Know ^_^