كله بر كله…

الحق يتقال ما بنختار حدا في حياتنا غير أصحابنا و أصحابنا بس الإلتزام الوحيد الى بمزاجنا و العلاقة الوحيدة طويلة الأمد الى بنخطي فيها بكيفنا…

العشاق نتاج عقد أهالينا الى بيرزونا بيها من ساعة لما أمهاتنا بيزلطونا في الدنيا بنت الكلب ده.

الأمهات و الأباء ده قدر  و نعمة لابسة ثوب نقمة.

الاخوات دول شوية زيادة عن قدر دول وصمة، موصومين بيها كلنا. وصمة من نار بس وقت اللزوم بتبقى برد و سلام على القلب.

 ولاد الخال و ولاد العم دول تجربة من بدري بدري للصحوبية يا تصيب يا تخيب لو  صابت يا بختك و لو خابت استعد لأعياد كتير من التهتهة و الإحراج… بس حلاوة النوع ده من الصحوبيات إن بييجي لك فرصة و اثنين و ثلاثة انك ترمم العلاقة على مر السنين بس برده يا تصيب يا تخيب.

الخالة آه والدة بس العمة فرصة لفهم الأب و فرصة ما تتعوض كمان.

الخال ده بقى حبيب! حبيب بجد صدر حنين كده حد تخدي و تدي معاه… 

العم بقى ده أول خناقة و أول تحكم و أول حد بيتشتم بجد شتيمة قبيحة من ورا ظهره بس مش مشكلة لما بنكبر حبة و عند أول حد بيقوم مديه القفا المتين عشان خاطرك بتحب على يده…

علاقات علاقات علاقات في كل حتة و  في كل مرحلة من حياتنا…

الدنيا ده عبارة عن مجموعة علاقات إنسانية من أول علاقتنا بالمولى لحد أصغر أهلاً و ابتسامة بتترمي على أجدعها سايس.

مد و جزر…

هات و خد…

ضحك و بكى…

آه ياني…

الدنيا إيه غير شوية خلق بتاخد بيد بعض و شوية خلق بتعض في بعض!

شوية خلق بتطبش في بعض…

بيتعلمه في بعض!

بيجرحه بعض و ينفخه في بعض الحياه عند اللقى…

ناس تائهة كله بيدور على بر و كله ما يعلم إن كله بر كله…

كله بر كله…

 

قرارات وجودية

أنا أخذت شوية قرارات وجودية كده:

* المزيكا ما تتقفلش غربي شرقي أي نوع مزيكا يجب استنشاق المزيكا زي الأكسيجين.

* ورد قرآن كل يوم أول النهار كده صفا للقلوب…

* مفيش أخبار، آخر اليوم كبيري اقرأ شريط أخبار أون لاين.

* تخليص كتاب تثقيفي + رواية كل يومين.

* مفيش جنازات لو مات ليا حد هفتكره بأغانيه الى هو بيحبها و هرقص عليهم و هعيط عليه في سريري و هحكي عنه في كل مكان و للي رايح و للي جاي كل الناس هتسمع منه و عنه مني بس جنازات لا. 

* هما ماته و استريحه احنا بقى لازم نعرف احنا عايشين ليه؟! إذا كنت كنت مصرة قراط على قرار أنا أخذته في حياتي دلوقتي أنا هوصل و لو هناطح حيطان الدنيا بحالها و هنحت كل صخر العالم.

* الى بحبه هقوله بحبك أول بأول دة فعلاً مبدأ عندي بس كل مدى بيرسخ زيادة. الى بيحب يقول و فكره حبايبكم انكم بتحبوهم.

* هاتكلم مع كل الناس حامد ايدي ليهم و أفكرهم إن احنا هنا عشان نحب و نتحب، هضحك في وشوش الناس الى مكشرة و هاخذ كل الزعلانين في حضني.  هبقى مؤمنة بما فيه الكفاية للكل. 

* هسمح لنفسي اني ازعل و أعيط و في نفس الوقت اني أطلع سابع سما من الفرحة برده.

* هخرج بدري أوي الصبح و متأخر أوي باليل. هستمتع بالقاهرة حبيبتي الى طول عمري عشقاها بس عمري ما وفيتها حقها بجد. 

* هدعي ربنا هدعي ربنا كتير أوي و في كل صلى طول عمري بكلمه و متأكدة إنه سمعني بس عمري ما رفعت له ايدي بجد. هقوله بحبك و شكراً على كل شئ و كل حال واجب الشكر و الحمد.  

* و حاعمل حاجات ثانية كتير و هغلط غلطات ثانية أكتر بس الأكيد اني هخطي لقدام بقلبي و بروحي و مش ورا… 

“Sometimes life…

“Sometimes life is hard. Things go wrong — and in life, and in love, and in business, and in friendship, and in health, and in all the other ways in which life can go wrong. And when things get tough, this is what you should do: Make good art. I’m serious. Husband runs off with a politician? Make good art. Leg crushed and then eaten by a mutated boa constrictor? Make good art. IRS on your trail? Make good art. Cat exploded? Make good art. Someone on the internet thinks what you’re doing is stupid, or evil, or it’s all been done before? Make good art.”
Neil Gaiman