واحد صحيح

واحد صحيح

حاسبين نفسكم ذئاب الجبل و انتم و لا فاهمين أي حاجة!

بنديكم الدركسيون كدة لعبة عشان تقوله بيب بيب بيب…

و احنا الى بنحسبها و بنختار…

و عشان كدة مش من حقنا لا نشتكي و لا نتوجع و لا نقول آه… آه… آه

(فريدة – واحد صحيح)  

 تامر حبيب

!طب ما بدري

“أهلاً.”

“أهلاً وسهلاً.”

“تشرفنا.

حضرتك مين يا سيد الناس؟”

“لا عادي معدي و هامشي على طول.”

“تعالى هنا يا روح طنط!

معدي و ماشي إيه و بتاع إيه! هو بانسيون؟ يا حيلتها؟

ده قلبي!”

“إنت رايح فين؟”

“ما هو أنا ماكنتش ناوي أبيت يعني!”

“نعم!

ما هو يا بتحب يا لا!”

“ما هو أنا مش متأكد!”

“يعني إيه يعني!!!”

“مش عارف…

بيني بحبك.”

“الله طب ماشي ليه!”

“مش عارف…

ما هو بيني بحبك آه بس أقعد لا!”

“طب أنا اقتنعت انك بتحبني و الله بجد أنا مقتنعة. 

اقنعتني.

لكن فهمني بقى بتحبني و مش قاعد ليه!”

“ماينفعش أقعد!”

“ليه؟”

“هو كدة؟”

“خايف؟”

“لا!”

“لا خايف…

أنا عارفة إنت خايف!”

“لا مش خايف!

و مش قاعد!

و أعلى ما في خيلك اركبيه يا شاطرة!”

“شاطرة؟

أنا شاطرة؟

هو أنا لو كنت شاطرة كنت حبيتك؟ 

آه يا خيبتي يا أنا…”

“ما هو أنا بحبك!”

“أيوة ههبب بيها إيه أنا ده و أنت مش قاعد!

اصرفها منين و بكام و تدفي قلب ده ولا تشبع  روح!”

“طب أنا ماشي!”

“بتهددني!

الى يقول كدة يقول بسلامته كان قاعد!”

“بحبك و الله بحبك بس معرفش للقعود سكة!”

“سهلة على فكرة…

 تيجي تقعد جمبي بشويش و توشوش في ودني بمحبة و تقول هويت…

هويتني أنا و ده الحقيقة!

أنت هويتني أنا!”

“طب و إذا ذليتيني و كسرتي روحي…

ثاني كسرة روح…

ماقدرش.

مافيش قعود!”

“جبان و عيل و فيك عقد ما ليها وجود ولا حتى في شعر رابنزيل!”

“لا راجل و أجدع من أجدع جدع بس بكفاية!

تعبت و استكفيت!”

“طب و أنا؟

هتلاقي زي ثاني؟

سكت ليه! انطق.

هتلاقي زي ثاني؟!

لا و أنت عارف إن الجواب لا.

و هتمشي بردك؟”

“أيوة همشي.”

“تبقى جبان.”

“لا خايف على روحي…

أهه تغيير.”

“مني؟”

“آه!”

“طب و أنا مش عامل حساب أنا خايفة من إيه و من مين؟”

“هو انتي بتخفاي؟!”

“آه يا قلبي…

لا…

أنا بترعب!

من كل بم،

من كل صوت برة النص،

من كل كذبة،

من كل حاجة…

بخاف من كل حاجة…”

“و عايشة و بتحبي؟!”

“آه.

عشان مش هسمح لروحي تموت بالحيا!

هحب و أتجرح و هقع و هقوم.

سنة الحياه و أنا قررت أعيش.

أما إنت روح شوف لك قبر تمدد فيه.

بكرامتك.”

“أعيش ازاي؟”

“هات شفايفك و أنا أقولك.”

“لا.

افرضي طعمك سليته و اشتقتله و ملكني!”

“أنا مش ماشية… “

“افرضي موتي!”

“نعم!”

“آه افرضي موتي؟!”

“يبقى المكتوب نفذ.”

“هعمل إيه أنا من غيرك؟!”

“هتعيش.”

“لا.”

“آه هتعيش.

و تحب و شفايفك هيملكها غيري…

هتحب و شفايفك هتسلى غيري…”

“لا الدنيا مبتمشيش ولا بتمر من غير حبايبنا!”

“لا بتمشي و بتعدي و بتمر بس بكيفنا و بطوعنا و من غيرهم بتقف زي البيت الوقف.

اسمح لها تعدي و اسمح لنفسك تمر.”

“بحبك.”

“طب تعالى اسلى شفايفي…”

“مشتاق.”

“طب ما بدري!”

 

 

One and Only

 

 

 

بخ

 يعني إيه يعني بخ؟

إيه الى بيخطر في بالك و باله لما بتسمعه بخ؟

بخ محبة و شوق؟

ولا بخ أمل في ده بلد عايزة الحرق عشان الناس حقل قمح في يونيو ناقصه البنزين و الولعة؟

بخ ضحك و بخ هزار؟

بخ فرحة ولا بخ دمع؟

بخ إيه؟

طب هو احنا يعني بسلامتنا عارفين أصلاً احنا عايزين إيه عشان نقول بخ إيه؟

بخ.

بخ و خلاص.

بكفاية فاض بالحال و ندى الجبين…

طب إفرض كان البخ المرة ده بخ أحزان؟

مش هترضي تبخ بردك؟

ولا هتقول بخ بجد و بصحيح؟

طب هو احنا نعرف منين؟

نعرف بخ عن بخ منين يا مؤمنين يا موحدين؟

بتقول بخ و خلاص خير أو شر.

بتقول ليا أثبت على بخ على طول الخط و الى يكون يكون.

طب خايف!

طب أقولك بلا بخ بلا هباب!

مفيش بخ.

بتصرخ و بتقول جبان بتاع إيه!

تعرف عني إيه عشان تحكم يا انتا؟! هه؟

لا أنا مش جبان،

أنا مش جبان!

أنا فاض بيا و مليت…

حقي ولا؟

لا؟

يعني حتى الزهق حرمتوه!

لطفك يا بارق…

الحل في البخ قال الغريب…

الله بقى!

طب مش باخخ!

مش هبخ هعافر!

ما تيجي نعافر؟

تعافر معايا؟

ولا هتبخ؟

أصل أنا مش ناوي أبخ لسه.

عجبتني القاعدة الله!

مفيش بخ.

لا البخ مش الحل.

الحل في المعافرة.

معافرة مع البلد الى فيها ما يتعاش…

معافرة مع الحبيب…

معافرة مع القدر؟

لا الى القدر!

نعافر مع تعاقيد البشر لكن مقادير الرب لا!

بس برده الشاعر كان لابد ينطق و يقول، “و لكم في المعافرة حياه!”

لينا في المعافرة اقله أمل!

يتولد و يموت جايز بس خبط و عدى يمتنا!

المعافرة الحل و المعافرة دين و ذكر و عبادة للمولى.

عافره و قوله للبخ بخ.

 

You do your ve…

You do your very best with what you have here and now and what you believe in here and now. And if you’re really smart you keep your horizon open for change and you…
You change! And grow and love every single opportunity you have and you just live life!
What else can we possibly pull of than just living?!
To the fullest not to the extremes since people confuse these too…
And yes you’re probably gonna be regretting a lot and yes again you’re probably gonna be frequently terrified of what else can possibly go wrong especially with your luck!
But you believe and you love and you keep your head high and walk on.
It’s only the end when it’s the end and the middle…
The middle little do they allow you to believe and little do we allow ourselves to believe is the absolute best!
All of it taking absolutely nothing out.