عامانِ وأنا أك…

عامانِ وأنا أكتُبُ لكْ
عامانِ وأنا أكتُبُ عنكْ

عامانِ وأنا أَضربُ بكَ أمثالَ السعادَةْ
عامانِ وأنا أروي للناسِ كيف تعرّض قلبي على يدكَ للإبادَة

عامانِ وأنا أصلي أن تكونَ لي
عامانِ وأنا أصلي أن تعودَ لي

مع أنّك لم تكُنْ لي

تحية و تقدير

و الكام كلمة دول تحية و تقدير للعرف و التقاليد بس مش الطرحة و الفهلوة! عارفين كده أو عمركم شميته جمال العيش و هو بيتسخن و يتحروق حروفه! العسل الاسود عليه الطحينة السايبة مش الى في علب و مرشوش عليها سمسم؟ الجبنة القريش و عليها الفلفل الطازة و الطماطم و الخيار و غرقانة في زيت زيتون سيوة! فنجان القهوة بالحبهان و الشوكولا… و الفول المتقشر الى عليه شطة مدققة مش مفرومة في الخلاط… و البيض البلدي المسلوق أو المتحمر في الزبدة! ولا الطعمية البيتي المحشية طماطم مفرومة ناعم و قرون شطة حمرة و خضرة و متغطية بالبقدونس! و النعناع السخن أو الينسون بلبن… الى ميعرفش الحاجات ده مدقش حلاوة طعم بيت العيلة ولا دفا “صباح الخير يا حلوة” و البوس الى على الواقف الى في المطبخ…

“صاحية رقبتي واقفة!”
“طب اجري هاتي الفولتارين من الثلاجة و أنا أدعكهالك بسرعة…” 

“صاحية بصداع فظيع!”
“هزي طولك خديلك قرص كاتفلام” 

“مالك شكلك مش ولا بد!”
“الحمل هلكني!”
“هو يعني إيه حمل يا أبلة؟”
“يعني إن في بابي جاي يا حبيبتي”

“يلى بسرعة عشان أخدك في سكتي… انجزي بقى!”

الحمد و الشكر ليك يا رب… و بس كده! 

Pain, you just …

Pain, you just have to ride it out, hope it goes away on its own, hope the wound that caused it heals. There are no solutions, no easy answers. You just breathe deep and wait for it to subside. Most of the time pain can be managed, but sometimes the pain gets you when you least expect it, hits way below the belt and doesn’t let up. Pain, you just have to fight through, because the truth is you can’t outrun it, and life always makes more.

-Meredith.

أمل

و الدروس المستفادة كالآتي و هي عبر مش أكثر و المصائب نعم من المولى بس متلفحة في كشمير من بتاع الصالونات التخين القاسي بس لأجل الذهب يتصان ولا يتقشرشي غير الكشمير ملوش!

اليأس مش خيانة اليأس كفر!

لربك حكم لو حفيت ما هتفهمها يا عبد يا فقير العقل و الحكمة…

الدموع بتغسل الروح و كل نفس لازم لها وقت تنخ و تتعب بس الصلاة دواء و الذكر منجاة بس الى يدرى!

الحلوة مي قالت، “الصداقة تزرع الحياه أزهاراً!”

صدقت ما خابت!

صديق في ظهري و حضن أمي فيه مدفوس منخاري و ربنا يخليها ليا ست الكل الكمل…

بحبها و بحبكم و بحب الحب و هو أنا كده و إن كان عاجب و لو مش عاجب إيه يعني ميعجبش، تولع!

حلمي في ايديا و بعافر لا أطوله لكن و ماله السهل بسلامته مش سهل في دخوله بس لكن في خرجته بردك ففركش ميلزمنيش…

مش هقول إيه ثاني هيجرى و لا أنا لا أقهر و لاوني جتتي نحست!

أنا بس هقول كلمة واحدة،

“الأمل اسلوب حياه و غاية و عبادة للرب في السموات! صاحبه… يفوتك يمكن بس عمره ما ينساك…”