ارحموني أنا صاحبة عية!

“ده ناصري، انتم أصلكم لسه صغيرين، ايش دخله في الجيش و العسكر يا بنتي؟!”

أصل ناصر كان بقال يا Uncle!#حمدين_صباحي شخصية ثورية من الطراز الاول و حالياً هو صوت شباب الثورة.”
و نفس الاخ يجيب داغي خالص بقى و يكمل،
“بعدين أنا مستغرب حقيقي من الناس الى متغاظة من حب الناس لل-#سيسي و احترامهم ليه! الله مش معنى كدة اننا مع العسكر يا اخوانا، حب السيسي دة شئ الواحد مش له يد فيه.”
#Shoot_Me_Now

#الاشتراكين دول مش مؤمنين بربنا! حد يرافق و يصدق ناس ماتعرفش ربنا؟!”
كانتش بركت عليك يوم ما ولدتك يا أخي!

“تكون فاكر منك ليه إن #التحرير دة حكر لأبوك منك له!”
خدوه بلوه و أشربه ميته، بس حله عننا و النبي!

“أصلاً معظم الى ماته يوم ٢٨ اخوان و هما الى امنه الميدان! و لولاهم كان زمان الثورة ما تمت.”
كانت أصلها تمت بروح أمك!

“”ثورة”٣٠ يونيو هي تصحيح مسار ثورة ٢٥ يناير.”
#يا_مرارتي_ياني!

“أصل انتي مش فاهمة! الاخوان أصلاً هما الى موته كل الخرفان بتوعهم في رابعة و النهضة و الحرس الجمهوري و كرداسة و كل مسيرة و مظاهرة و اعتصام من ساعتها! دولة حرقه عيالهم و بيسلطه العيال الى مش فاهمة و مش مدية خوانة، الصغيرين يا بنتي الغلابة انهم يجره شكل الشرطة الباسلة بتاعتنا عشان يتقبض عليهم و يصعبه على الرأي العام! بس هيهات احنا يخيل علينا الكلام الفاضي ده؟! فشر!”
ده بقى ليها مؤثرات صوتية في سر الواحد!
#On_The_Other_Side
“أصل انتي مش فاهمة مدير مكتب وزير الداخلية الفني الى مات ده كان صاحب صبحي صالح و كان متعاطف مع الاخوان و عشان كده هما قتلوه! بس ده كلام بيني و بينك يعني!”

“مرسي ده أصله ربنا بيحبه! ربك إذا أحب عبد ابتلاه!”

“احنا كطبقة مثقفة و كاكاديمين هنترفه عن المعجنة ده! احنا دورنا مش دلوقتي. احنا دورنا قدام. قدام!”
ارقصي يا كاتعة على السلالم لا الى فوق هيسمعوكي و لا الى تحت هيشوفوكي!

“انتم أصلكم نظرتكم سطحية و قاصرة! لولانا احنا الجناح الديمقراطي في النظام الحالي كان زمان تمت في الأحوال أشياء غير الاشياء!”
*مروة تسمع الكوبليه ده من هنا و سقف نافوخها يطير*
*هيلا هوب*

*شهداء #الجيش، شهداء #الشرطة! ارحمونا وديته البلد ورا الشمس!”
#On_The_Other_Side
“هو في حد نزف من أجل مصر في تاريخ مصر قد #الاخوان؟ جهلة أغبية!”

و بعد ما نوعاً ما فشيت غلي شوية، أنا هروح اتفرج على Charlie’s Angels. 

#مصر_أم_الدنيا_و_هتبقى_قد_الدنيا 
#انتم_مش_عارفين_انكم_نور_عينين_السيسي_و_لا_إيه?
#ماما_حلوة_طب_بابا_عبيط؟

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s