#ماما_سلوى #حرائر_اسكندرية

 #ماما_سلوى #حرائر_اسكندرية

عن #ماما_سلوى قررت أن أحكي بقى…
#حرائر_اسكندرية
Doaa Gaber كانت بتحكي عن الست الى مقبوض عليها مع البنات الى لما قربت من القفص لقت البنات بيناده ليها و يقوله ماما سلوى و انها كانت بطبطب على بنت و تحضن الثانية و تمسح دموع ثالثة…
الست ده تبقى أم البنوتة رضوى الى في أولى ثانوي الى أخذت حكم النهاردة برده… من ساعة ال-١٨ يوم و أنا ببتسم تلقائي أول ما ألاقي أب أخذ عياله و أمهم و نازلين مع بعض يتظاهره أو أم نازلة مع بنتها أو ابنها أو أب نازل مع بنوته أو ابنه… أو حتى زوج مشنكل ذراعه في ذراع مراته حبيبته… لما كانه الناس بيتريقه و يقوله فاكرين نفسهم طالعين رحلة كنت أنا بهب فيهم! تحس انها مغامرة من نوع خاص انك واخد أغلى حبايبك و حطين أرواحكم على كتفكم و نازلين حتى لو انتم عمركم ما تتخيله إن الموضوع كان يوصل لكده… تحس انها محتاجة كمية إيمان و شجاعة عجيبة ده الواحد بيشيل مسؤلية نفسه بالعافية! ده إن عرف يشيلها أصلاً! بقالي بفكر طول اليوم إن لابد و هييجي يوم أكيد هيحكه هما الإثنين مع بعض لإبن أو بنت رضوى الصغير حدوتة لما ستوه و ماما كانه في قفص واحد! و إن الطفل ده هيطلع بطل لابد! ماينفعش يطلع غير بطل. بفكر و بسرح و بقول أنا بقيت زي ما أنا عشان كبرت على حواديت ستوه عن صمودها و كفاحها ضد كل عتي و جبار… عن خوف و رعب فؤاد علام أسطورة التعذيب و الفجر منها، الى بيتنطط في الإعلام دلوقتي… بسرح و بقول و أنا الى كنت بقول مش هنعاصر أيام زي ده ثاني مش في عمري على الأقل… مش هيتاح لحد يعمل ذكريات زي كدة ثاني…. و أقول سبحانك يا رب… و أقول الحمد و الشكر ليك يا رب هتطلع عيال بتقول لا من يومها يا رب من ثاني… من ثاني يا رب…
#الحمد_لله

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s