تحصيل حاصل

كلمتين عن البشر داخلة فيهم سياسة آه بس هما من و لأجل البشر في الاول و في الآخر. الطبائع و الشيم و العيوب  واحدة و بيتم تبادل الأدوار مش أكثر! ماسبيرو و مجلس الوزراء و محمد محمود و كل الأحداث الى كانت في الفترة ده كانت تنبيهات و أجراس انذار لقيادات الاخوان بس هما رفضه يسمعه و كانت عمياهم الكراسي و المصالح و الشعور الوهمي بالأمان و البعد عن خطر الأذى، بس كل دهي و في الأدهى منه! رابعة و النهضة و رمسيس و كل الأحداث الى حصلت في الفترة ده من فض اعتصامات العمال و الاشتراكين الثوريين و الغشومية في القبض و اسكات أي صوت معارض كانت تنبيهات و أجراس انذار لكل بتوع التفويض و الثوار الى تخيله في يوم إن العسكر ممكن ييجي من تحت أقدامه خير بس من ثاني كل حد سمع و بيسمع الى على كيفه و بس. تطبيل الإعلام ضد الاخوان طول حكم مرسي و مع 30 يونيو بعد كده و قبول وصول الاخوان للحكم أصلاً من البداية و عدم إيقاف أو التدخل في مسرحية الديمقراطية الوهمية من الاول و كل المجازر الى على مدار الثلاث سنين الى فاته كان مفروض ينبه أي حد زي إن العسكر و الداخلية مش بس عمرهم ما مشيه من الحكم دول كمان راجعين له شكلياً بقوة و في القريب العاجل كمان، مرسي بقى أو غيره، كلها شكليات و كله تحصيل حاصل. و ده و ديني ما معناه إن سي زفت مرسي ما كان في ايده يحوش و ما حاش و لا إنه ما خربهاش زيادة ما هي مخروبة. هو بس اعتراف بسذاجتي أنا شخصياً و غبائي السياسي مش أكثر. 

و في الآخر المجد بس للي بيتوجع للكل. المجد بس للي بيتوجع للإنسان. للي الدم عنده “كله” حرام. للي بيحب بضمير و الانا عنده مش فوق الكل و “أنا غلطان” مش بس مش عيب ده عادي.

المجد للي بيتوجع للكل.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s