احنا

أنا هستخدم احنا عشان أنا منهم…

عارفين الناس الى الناس فارقين لها؟ الناس الى بيعكه عك بدينهم و دين الى خلفوهم بس عمر ما بقصد و عمر ما بيجرحه قلب مع سبق الاصرار و الترصد. الناس الى بتعافر على طول و مافيش حاجة بتيجي ليها بالساهل! الناس الى يا تنقذك يا تكسرك مافيش خيار ثالث. العيال الى بيعجزه بدري… الى بيناطحه في الدنيا و يدخله فيها بصدرهم لاجل لا يعرفه كل الاجابات بعدين بعد ما يعرفه كل النهايات يقوله ليه يا زمان ما سبتنا ابريا… الى ما بيعرفه يقوله لا و لو قاله بيقوله لا من غير حق! الى التفكير بالنسبة لهم مس! جنون و طاح في عقولهم مغفلين أو واعيين… خيرين و آثمين… يتحبه حب و يتكره كره… كل قرارتهم غلط و كل اخطائهم صح… مبدعين، حقيقي مبدعين… مسلماتهم مجرد حيطان ما قدره يناطحه فيها و يجيبه منها دم أكتر من كدة… حبهم للحياه و عشقهم للجمال و ايمانهم بالرب من عجائب الدنيا، من آهات الكون… ناس عبارة عن كلاكيع و متناقضات و عك! ناس عك… حلوين حلاوة روحهم… بيصبره نفسهم على الدنيا بإن يكون الحب الهدف و المنتهى… هما البشر الفنانين حتى لو مش بيعزفه آلة أو يحطه قلم على ورقة أو فرشة على كانفس… الى بيحصل ليهم في الحقيقة أغرب من الخيال و أحلى و أقسى و أدفى و أبرد… واقعهم مجموعة روايات… الى بيحبوهم تنوعهم مبكي مضحك… و كل الى بيكرهوهم بيكرهوهم بحب على فكرة… الى يحب و ما يفهم و الى يفهم و ما يتقبل و الى يتقبل و ما يستحمل و الى يسوح! يحب فيسوح! ييجوه يقوله الحق ما يتصدقه، يقومه يكدبه يقومه يتكدبه… و آه ياني… تنورة حياتهم تنورة… بس في الآخر و حقيقي و بأمانة لسه في سحر في العالم عشان احنا فيه مش أكثر.

و عجبي.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s