جري القلم بيا!

حبيت القهوة عشان درويش حببني فيها زي ما غسان الكنفاني عرفني قيمة غصن الزيتون و حبيت الجزائر كرمال عيون أحلام و عشقت القاهرة من محفوظ و بيرم و العقاد و مصطفى أمين و جاهين و صلاح عبد الصبور و توفيق الحكيم و خيري شلبي و ابراهيم اصلان…

و لبنان لبنان عشان منها جبران و مي! زي ما لندن هي لندن فرجينيا ولف كده، و صفة الدلال كصفة مقرونة عندي باميلي برونتي، و الألم و الوجع دول ملك أثير النشمي، و العراق ملكة متوجة عشان منها سنان انطون!
ج، ك، رولينغ هتعيش و تموت ملكة كل طفولاتنا، كلها…
و س، لويس هيفضل يحكي حواديت نارنيا في دماغتنا و أرواحنا كل ما نزعل و ابن القيم الجوزية هيفضل يقرأ لينا من كتاب الروح لآخر العمر!
هفضل كل ما أحاول أفهم حاجة هنط في كتاب آرثر كونان دويل و هعمل فيها شيرلوك هولمز!
هيفضل ا، س، بايت سيد العشق الممنوع! دائماً و أبداً…
هو أنا نسيت أقول إن ج، ر، ر، تولكين عمره ما هيتنسي؟
و إن سحر الموجي هي تنورة الأدب؟
و إن دان براون فاز و هيفوز بجائزة سرد أحلى حدوتة النهاردة و كل أيامنا؟
جودي بيكولت أحسن حد يطلعك سابع سما بعدين ينزلك سابع أرض بعدين تيجي تشتمها تلاقي نفسك بتشكرها!
طب في حد هنا ما يشهد إن أجاثا كريستي عرفت يعني إيه الغاز؟ أو إن بريدجت جونز و هي ماسكة الايس كريم و متكلفتة في اللحاف هي كل بنت و أي بنت؟!
إن ستيفن كينغ مبتدئ صرح الغرابة الى طعمها حلو! 
و إن بهاء طاهر بين أغلفة كتبه فهمنا بالورقة و القلم يعني إيه زمن و قدر و كبرياء و ربيع آخر و يعني إيه تضحية!
إن عبد القادر عودة قبل ما يكون قاضي عادل فهو الكاتب المغوار…
إن ما حسيت ب-“على نهديها” زي ما حسيتها من قلم سيد قطب!
عايز تتعلم يعني إيه أدب سياسي؟ جورج أرويل و بس.
مشتاقة لخالد الحسيني يطبطب علي بفرصة ثانية لتصحيح المسار! مسار الحياه…
أنهي بنت ما اتعلمت ازاي تكون ست بين أغلفة كتب علوية صبح؟! و اتعلمت يعني إيه مرؤة و عزة من ليلى بعلبكي!
و الحب غير و أجمل مدرسة ليه هي غادة السمان… خذه حبوب مع شعر نزار و سوزان عليون و ندراً عليا لو ما قريت بيت للشابي قبل ما تنام ليضيع عمرك هباء!
يعني إيه فراق؟ أقره نور عبد المجيد…
يا جيل ما بعد السبرتاية في واحد منكم تتلمذ على نورها، أحمد المصري!
يعني إيه رسائل؟ يعني أهداف سويف…
الصوفية مش زهد، الصوفية حب… اقره أحمد بهجت.
المعنى الحقيقي لقانون الغابة! عند وليم غولدنغ و بس…
يعني إيه غربة و دفا و لقى و بكى و سلام؟ يعني آن لاموت.
جودي بلوم و نورا روبرتس و جنيفر كروز يتقره عل الأقل مرة! و مرة كفاية لازماً هترجع و تقول ثاني…
نيكولاس سباركس = جمال الروح الى كتير بنفتكره مش موجود و بنرجع ليه عشان نتأكد اننا مش مؤمنين بحاجة لا وجود لها… اننا مش مجانين!
لويس اريدريش هي كل ما جميل في الطبيعة و في التاريخ و في الأصالة… هي عنوان و تعريف الأصالة…
ادخل مدرسة جاين أوستن على ضمانتي. ده مش شئ، ده كل شئ!دوريس ليسينغ النعومة و المحبة و الإشتياق و الحكمة…
صاحبة قلم الله محبة.
الحقيقة كل ما أحب بجد وقعت في غرامه بين غلافين كتاب…
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s