سفينة نوح…

مش عارفة الناس الى ماتت أختها و أبوها مسجون و أخوها مختفي ده صابرة على قسا الزمن و امتحانات الرب ازاي…
الى مات ابنها، و بتروح تحاكيه من فوق التراب و هو تحته يوماتي…
الى نائمة في سرير برد و صقيع و هي متعودة تلف تلاقي حبيبها و أبو عيالها جانبها…
الى بيقوم يصرخ في نص الليل عشان لسه بيسمع صوت طقطقة الجماجم تحت الدبابات و البولدوزرات… 
الى كان ليها أو ليه صديق بيناجيه في ليالي الأرق و بينجده من حزنه و شجونه…
الى مصمم إن ابنه ما راح! و إن هو راجع أصل هيعمل إيه؟! يا اتسجن يا اتحرق! يبقى مش قدامه غير إنه يدعي… 
الى كانت بتحب و حبيبها حاشه عنها الرصاص… تعمل إيه؟
الى كانت منى عينها تشوف عيال بنتها و اتخطفت روحها منها… راحت بنتها!
الى كان عاشق مراته بجد و بصحيح و الليلة و كل ليلة بيحكي من ثاني لإبنه أو بنته إن ماما عند ربنا… و بعد ما بيخلص بيقفل بابهم بشويش و يمشي على طراطيف صوابعه لحد ما يقفل عليه بابه و يقعد يبكي و يناجي الرب و يناجيها و يقول، “هنت عليكي تفوتيني لحالي يا غالية…”
حالهم إيه دول؟!
كلنا سوا بيغنه سفينة نوح بيقوله،
“كل شي رح يغرق .. كلن ح يفلو
ما هيضل غير الى شافه الضي…
لما بيجي الطوفان .. لما بتجي الحقيقة
لما بيطلع نور الشمس فوق بيوتنا الغريقة…
نمشي عالعتمة فيها و نستنى تنوعا
على صوت ينادي .. صوت يغني
صوت يهني العالم برجوع الضي”
رجوع الضي…
طب و احنا إيه الى في يدنا؟
بنتشعلق في مزيكا نغم يترقص عليه…
رقصة غلب…
رقصة غلب…
غلبنا…
الحبايب لو كان حد خيرهم تفوته حبايبكم ولا لا… يفوتنا ولا لا كانه فاتونا؟ 
طب و حبايبنا العايشين؟
الحبايب الى النفس لسه بيخرج من مناخرم…
بعاد ليه و ازاي…
هما مايعرفوش إن احنا ممكن نموت؟!
و مش حاجة وحشة لا ده نعمة و النعمة نعمة يمكن يقدرونا بعد ما نمشي…
يوم لا يفيد الندم…
طب و الحل؟
و الحل؟
مطلوب إنسان عنده علم إن العمر قصير و إن الموت علينا حق…
الموت علينا حق…
و يا بخته الى بيحبه حبيبه بعبله كله كدة على بعضه يا بخته…
حبه على قد ما تقدره أصل غالباً مافيش بكرة!
بس يمكن لو حبينا يرضى عننا الرب و يرد لينا بكرة…
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s